Cantigas: I II III IV V VI VII VIII IX X XI XII XIII XIV XV XVI XVII XVIII XIX XX XXI XXII XXIII XXIV XXV

Cantiga: VI      - Ja eu non am[o] a quen soia

Métrica.

 

Cantiga de amor, do tipo de refrán, constituída por tres estrofas singulares de tres versos graves eneasílabos monorrimos, máis un refrán monóstico agudo decasílabo.

Coblas capfinidas : I-II mi; II-III eu.

Mozdobre imperfecto: 2 I ei/avia, II quigi/quisesse.

Rima derivada: 2 I avia, 3 II ouvesse.

 

Esquema métrico:

9’a 9’a 9’a 10B
I ia or
II εsse or
III ado or

O esquema estrófico rexístrase en dez ocasións no corpus dos nosos trobadores, aínda que esta é a única con esta combinación métrica (cf. Tavani, RM, esquema 11: 9) 

Tamén se rexistra en dez ocasións esta distribución de rimas na lírica occitana, pero nunca con este metro e só nunha ocasión con refrán (cf. Frank, RM, esquema 44). Mölk-Wolfzettel rexistran esta combinación de rimas (esquema 156) en nove ocasións na lírica francesa, pero sempre aplicado a metros distintos ao da nosa cantiga..

   Servizo de publicacións da Universidade de Vigo - 2010 Xosé Bieito Arias Freixedo