| Cantigas: | I | II | III | IV | V | VI | VII | VIII | IX | X | XI | XII | XIII | XIV | XV | XVI | XVII | XVIII | XIX | XX | XXI | XXII | XXIII | XXIV | XXV |
MANUSCRITOS: A 310 (fol. 88v. a. Só a primeira estrofa.), B 902 (fol. 194r. b), V 487 (fol. 78r. a)
En A, como é habitual, na primeira estrofa déixase espazo entre as liñas para a notación musical. Cópiase o texto seguido e indícase a separación versal por medio dun punto (vid. a correspondente trascrición paleográfica).
Desde que o folio que contén as cantigas do noso poeta foi restituído ao seu lugar de orixe, o explicit do Cancioneiro da Ajuda pasou a ser: ti. on cuydara tant auiuer. como (cf. M. A. Ramos, 1994: 31).
Cantiga numerada en B co nº 902 por Colocci, quen indica ademais que se trata dunha cantiga de refrán por medio da apostila tornel escrita sobre o v. 1, na marxe externa da columna b. Nas dúas primeiras estrofas o humanista italiano separa tamén co signo habitual en forma de ángulo, o refrán do resto da estrofa.
| Servizo de publicacións da Universidade de Vigo - 2010 | Xosé Bieito Arias Freixedo |